Ampih bagawi di sakulahan, kada baarti
rajaki Dugal bamandak jua. Tuhan Maha Kaya wan wan Maha Adil, ada paluang lain
gasan Dugal, jalan usaha nang mahasilakan duit. Yakni baingunan hayam kampung
wan bangkuk sarta jua manulis.
Amun hayam sabulan sakali inya manjual
ka pambalantikan nang liwat di muka rumahnya. Samantara manulis Dugal dapat
rajakinya saban bulan jua. Dimana inya biasa manulis puisi wan janis tulisan
lainnya nang dikirim ka midia unlin nang ada di Jakarta.
Alhamdulillah ada haja saban bulan dapat
duit matan manulis. Dugal mangaku asa nyaman kaya ini. Waktu bagawi di
sakulahan dahulu inya kada bibas. Marasa dibawah takanan, gawian ada tarus.
Amun sudah kaluar inya bibas mardika.
Kada baarti bibas kadada nang digawi. Tapi bibas dalam artian inya saurang nang
maatur gawian nintu. Apalagi baingun hayam wan manulis disukainya banar.
Bila ka dairah lain, inya kawa manggawi
kaduanya. Sakali mandayung dua tiga pulau talampaui. Salain mancari anak hayam,
sakaligus jua inya mancari sumbar tulisan nang cagar dikirim ka midia. (ahu)
Tidak ada komentar:
Posting Komentar