Senin, 9 November 2020
SAHARIAN DI RUMAH NAPA DIGAWI ?
Ulahan : Akhmad Husaini
Bahanu asa muyak jua di rumah haja
saharianan kada sing gawian
makan, minum, puat rabah
manyakit jua ka kapala ngalu
apalagi amun mandangar kada nyaman
banyak makan malamaki ka awak
pas haja amun tujuh puluh kilu barat awak
bahanu pikiran tabawa kada baik
Handak jua maubah diri jadi himung
suksis bajual kada alang-alang
kaya apa sakira kawa kaya itu jua
handak jua manurut supaya kawa
katuju maubah hidup jadi nyaman
Katuju saurangan baranai haja
kada katuju banyak urang gigir
Amun malam tatap haja baganaan
buhannya kawa maragap dunia haratnya
aku kada kawa baranai haja
Bila malam bahibur lagu matan radiu
atawa jua manyatil impitiga di palasdis
Kaya apa manjalaninya hati nyaman
barang haja asal ada nang digawi
gagawaian amun kawa digawi
barangham gasan mangalurakan paluh
sigar awak kuat baangkatan
Hangkinang, 30 Uktubur 2020
Tidak ada komentar:
Posting Komentar