( Dari surat MQ tahun 2006 )
Jadi masi bila bapandiran lawan buhannya, ulun kadada maksud manyinggung parasaan kawan ulun pang. Tapi buhannya haja nang salah paham, bisa manyambati ulun macam-macam. Wiwi manyambati ulun tarus di sakulahan. Padahal ulun kada marasa manyinggung inya.
Masalahnya kaya ini. Samalam pas bulikan Wiwi nih basambatan ngaran kuitan. Maka ngaran abah ulun sama wan abahnya. Wiwi manyambat ngaran abahnya Dini. Maka ngaran abahnya Dini sama lawan ngaran abahnya Nita. Jadi Nita sarik manyambati ngaran abahnya Wiwi. Lalu Wiwi baucap, “Nintu kada ngaran abahku jua, itu ngaran abahnya Atul.” Lalu ulun sahuti, “Abahku kada kaya itu ngarannya. Abahku batambah haji dimuka.”
Ulun paling kada suka bila ada urang manyambat ngaran abah ulun, jadi ulun sahuti ai kaya itu tih. Jadi imbah nintu Wiwi bamamai manyinggung ulun. Ulun miskin pang, jadi pantas haja pang disuarai kaya itu ulih kawan. Sampai di rumah ulun manangis asa tasinggung wan sakit hati. Isuknya ulun kada turun sakulah. Kada marga sakit parut tapi akit hati. Asa sakit banar hati mandangar kawan manyambati macam-macam anu ulun.
Wiwi sudah lawas sarik lawan ulun. Bisa banar inya mambalik kanyataan. Padahal inya nang manyinggung ulun. Tapi hanya kepada Tuhan ulun berserah diri. Ulun hanya bisa bado’a supaya ulun ditabahakan dalam mahadapi masalah nang ulun darita ini. Jujur ulun bapadah anu pian, ulun kada hiri lawan kakawanan. Napang dihiriakan. Nang ulun hiri’i urang nang sugih lagi panyambahiyang ha pulang. Itu nang ulun hiri kaya apa manuruti supaya kawa kaya nintu. Kada hiri baisi sapida mutur pang.
Amun sapida mutur, kada pang sumbung, tinggal bapadah anu mama pasti ditukarakan. Tapi ulun kada handak kaina ada waktunya.
Ulun nih saraba salah bapadah sugih urang hiri dan sarik anu ulun. Bapadah miskin urang kada parcaya jadi ulun nih harus kaya apa am lagi ? Ka…pian satialah sampai 2010 kaina ? Tasarah pian haja pang kisah tadi amunnya pian parcaya awan ulun pian sabab ulun dipadahakan sugih ulih urang. Karna banyak baisi pahumaan, pulau nyiur, wan harta warisan lainnya.
Ulun akui itu miming barian abah gasan ulun. Lumayan jua banyak batanah babanyu. Banyak lagi kisah jadi ulun disambati sugih. Ulun maakui miskin anu kakawanan karna buhannya baisi abah, ulun kada. Karna abah ulun sudah maninggal waktu ulun masih sakulah SD.
Abah kawan ulun guru, mamanya guru. Mama ulun patani. Tapi mama ulun nih kada bahuma pang. Buhannya anak urang baduit.
Surat ulun masi kada pian liatakan anu urang kalu ? Ka balas lah, bila kada mambalas baarti pian kada saying lagi wan ulun. Ulun manulis surat ini sambil manangis kaingatan abah ulun. Mangarti haja kalu pian.***
Tidak ada komentar:
Posting Komentar