Musim hujan
musim batanam
Tulak baisukan
maambil laang
Indonesia
batanding lawan Vietnam
Hasilnya bamain
imbang
Bibinian anum
baisi tas kulit
Singgah di
warung manukar galapung
Wayahini sudah
bulan maulit
Rami diadaakan
disatiap kampung
Manukar banih
labih salawi
Disuruh datang
anu pambakal
Liwar nyaring
urang mambaca rawi
Disambung kaina
lawan asrakal
Banyu hibak
parak lacit
Andak imbir
parak pati
Datang sawat
disurungi puracit
Buliknya mamakan
nasi sup pakai sati
Tahun hanyar
nukar almanak
Rabit salambar
kada singhaja
Napa hajat amun
juara di wibsit kamanak
Tatap manulis
sampai wayah apa haja
Pamimpin di
balai disambat balian
Samut gatal
samut salimbada
Umai-umai
bungasnya pang pian
Anak wan uma
kada babida
Tidak ada komentar:
Posting Komentar