Bulik matan pasar bini Dugal nang bangaran
Acil Ijum gagarunum di rumah. Malihat kaya itu Dugal batakun anu bininya kanapa
mati kaya itu.
“Anu abahnya aku tatamu kawan lawas
waktu sakulah di SMA bahari, nang bangaran Acil Inab. Wayahini inya sudah
suksis,” ujar Acil Ijum.
Manurut Acil Ijum waktu ditagur tadi
inya kada pinandu lagi, kada mahirani. “Tanggapannya biasa-biasa haja, padahal
bahari waktu sakulah SMA kuntang-kuntun wan aku kamana haja,” ujar Acil Ijum
pulang.
“Biasa kami bajalanan ka Loklaga bulik sampai
malam. Wayahini inya sakulah tinggi jar jadi kapala dinas, nang kanturnya bakas
rumah sakit bahari parak jumbatan.”
Dugal baucap anu Acil Ijum, “Kada
apa-apa umanyaai, mungkin inya banyak gawian wan lawas kada batamu, jadi inya
kada ingat lagi, kita babaik sangka haja.” (akhmad husaini)
Tidak ada komentar:
Posting Komentar