Tanyata minat buhan kakanakan di Madrasah
Tsanawiyah Negeri (MTsN) Angkinang, Kabupaten Hulu Sungai Selatan (HSS), handak
jadi panulis cukup tinggi. Ini tabukti ulun saban hari manarima kiriman puisi
wan tulisan nang lainnya, matan murid-murid ulun nintu.
Buhannya tamutipasi malihat blog nang
ulun ulah. Jadi buhannya handak jua manuruti. Satiap ada manukar buku, imbah
tuntung dibaca, ulun langsung manjurung buku nintu gasan dibaca ulih anak murid
ulun nang babakat dalam manulis.
Itu salah satu cara ulun mangambangakan
minat mambaca wan manulis di MTsN Angkinang. Walaupun ulun kada guru Bahasa
Indonesia, hanya staf Tata Usaha haja, tapi ulun marasa batanggung jawab kaya
apa supaya anak murid ulun nintu tasalur
bakatnya.
Mudahan buhannya kaina bisa jadi panulis
nang handal, sabagai ganarasi panarus buhan panulis nang sudah tuhaan.
Balajar manulis kada ngalih, cuma
bamudal kamauan wan samangat haja. Jadi siapa haja bisa jadi panulis. Ambil
pulpin mulai wayahini, tulis, tulis, dan tulis. (akhmad husaini)
Tidak ada komentar:
Posting Komentar