Bila ka warung, Dugal mancari waktu
urang kada banyak lagi. Inya paling kada katuju amun banyak urang. Dugal handak
manikmati minum tih, wadai atawa nasi dalam suasana nang ranai wan tanang.
Biasa inya amun malihat di warung banyak
urangnya, Dugal mahadang sampai urang nang ada di warung nintu tuntung. Amun
tatap haja lawas banar kada jua ada tanda-tanda warung cagar puang, Dugal hari itu
kada ka warung.
Amun waktu di kampung Dugal kada talihat
mawarung. Tapi amun di wadah bagawi bilang saban hari ka warung nang ada di muka.
Amun ka warung bisa bapuluh-puluh manit lawasnya. Cagar mahabisakan duit banyak,
napa nang ada, amun katuju, dihantupnya.
Bamula mamasan tih is. Kada tahu baisukan
masih, tatap haja Dugal minumnya tih is. Imbahitu Dugal mamasan makan barupa
nasi wan iwak nang dikatujuinya, sabalumnya jumput babarapa buting wadai. Amun
makan kada puas sapiring, balalu batambah. (ahu)
Tidak ada komentar:
Posting Komentar