Hangkinang, kampung wadah Dugal
diranakakan, diganalakan, wan bagana wayahini. Abah, Umanya, Kayi wan Nini asli
urang Hangkinang. Pasnya Dugal badiam di kampung Angkinang Selatan, tapi tatap
haja disambat urang Hangkinang.
Jaraknya dalapan pal pada Kandangan,
ibukota Kabupaten Hulu Sungai Selatan (HSS). Di Hangkinang Dugal manjalani
hidup, suka wan duka, pahit manis, nang inya saurang manjalaninya. Dugal himung
jadi urang Hangkinang. Disini banyak bahan inpirasi gasan tulisan nang inya
ulah.
Hangkinang nang mambawa inya kaya ini.
Andaknya di kiwa kanan jalan nasiunal wadah kalaluan kandaraan, baik nintu
mutur, sapida mutur, trak, bis, wan lain-lain. Hangkinang banyak mambawa kisah
nang kawa diungkap matan baisukan, siang sampai malam.
Hangkinang banyak manyimpan kanangan
indah Dugal waktu inya lagi halus. Buka tabat satahun sakali, banyak pakulih
iwak, nang bisa dinikmati dalam babarapa hari. Salain itu jua Dugal mangalami
masa rami bakacal di pahumaan lawan kakawaanan nang ada di kampung. (ahu)
Tidak ada komentar:
Posting Komentar