Daripada baganaan haja dirumah, Dugal
bajalanan ampah ka Barabai wan Balangan. Saurangan tulak basapida mutur.
Tampulu libur kada bagawi. Salajur mancari bahan tulisan, kada lupa mambawa hapi
bakamira gasan mangudak tampat manarik nang cagar didatangi.
Dugal paling katuju malihat pamandangan
alam, kaya pagunungan, pahumaan, wan lain-lain (wll). Digambarnya lawan kamira
hapi. Biasa amun bulik dipusting ka blog
pribadi sabagai palangkap tulisan nang inya ulah imbah bulik bajalanan. Salain
pamandangan alam, nang digambar Dugal kantur pamarintahan, sakulahan, Langgar,
Masigit, wll.
Ada samacam kapuasan dirasaakan Dugal amun
gambar-gambar hasil bajalanan nintu sudah di pusting ke blog. Nang ada di hapi lalu dihapus. Jadi amun handak mancari, tinggal
mambuka gugal di intirnit, tulis napa nang cagar dicari. Kada lawas cangul
rujukan matan blog ampunnya. Kada
ngalih-ngalih lagi, jaman sudah saraba maju. (ahu)
Tidak ada komentar:
Posting Komentar