Sudah dua hari ini, Dugal diulahakan
kuitannya gangan kaladi gasan makan siang. Mandua piring Dugal makan, gancang
pada nang masi. Dikawani anak kalicingan karing basanga. Kaladi nintu ditukar
Umanya di pasar baisukan, parak rumah. Ada talu himpil Dugal makan kaladi.
Salain kaladi ada tambahan nang lain,
tapi Dugal mamakan kaladinya haja. Walau sadikit ada gatal tapi Dugal kada
paduli, kaladi nintu tatap dihantupnya. Wayahini jarang Dugal malihat tanaman
kaladi parak rumahnya.
Bahari banyak tumbuh, ditanam husus ulih
warga. Baik di higa rumah atawa jua di pahalatan pahumaan. Jadi amun handak
manggangan kaladi, tinggal mancabut di pahumaan atawa di higa rumah.
Tapi wayahini, cukup manukar haja di
pasar, nang kada jauh pada rumah. Asal tarasani haja, kada hari-hari jua. Tapi bila
dandaman, hanyar inta ulahakan gangan kaladi anu kuitannya. Ayu siapa nang
manggangan kaladi hari ini, jangan kada ingat Dugal dibari’i. (ahu)
Tidak ada komentar:
Posting Komentar