Kada nyaman rambut panjang nintu, asa
sasak kupiah waktu dipakai wayah sambahiyang. Sawat dua bulan kada sing
guntingan, baisukan Sabtu sakitar jam sambilan Dugal ka Pasar Kandangan,
bajarak sakitar 10 pal matan rumahnya di Hangkinang.
Tujuannya, paguntingan Paman Nanang.
Kaya biasa Dugal bapadah anu tukang gunting bagundul numur dua. Baarti kaya
bagundul tapi sudah tumbuh sakitar saminggu. Sambil baguntingan Paman Nanang
bakisah pangalamannya baguntingan, nang sudah puluhan tahun sidin jalani.
Sudah kamana-mana sidin baguntingan, ka
Nagara, Pasar Kasbah Banjar, wan lain-lain. Paman Nanang mangakui di Kandangan,
banyak pajabat dairah rahat baguntingan anu sidin. Kaya Dandim Kandangan.
Biasanya ditalipun bapadah handak
bagunting, lalu Paman Nanang nang mandatangi pajabat nintu. Bahari ujar Paman
Nanang panambayan baguntingan, upah atau bayarnya Rp 700. Banyak sudah suka
duka sidin dalam baguntingan.
Kada sampai sajam Dugal tuntung di
gunting ulih Paman Nanang. Imbah mambayar balalu Dugal bulik ka Hangkinang. Asa
nyaman sudah panjanak, rambut handap, kada sasak lagi bila mamakai kupiah gasan
sambahiyang. Pikiran asa sigar jua. (ahu)
Tidak ada komentar:
Posting Komentar