Salama babarapa bulan ini Dugal maandak
jam wikir matan hapi-nya gasan bangun guring. Diandak jam satangah lima. Imbah
bangun, Dugal ka pabanyuan, satil kran banyu, isi banyu di wadahnya. Lalu
batatapas pakaian nang dipakainya samalam. Didadai di muka rumah. Lalu mandi.
Imbah mandi basiap gasan sambahiyang
Subuh di Langgar Al Kautsar, nang bajarak sakitar 100 mitir matan rumahnya.
Biasanya Dugal hanyar kaluar rumah pas urang bang kamat di Langgar. Balalu
bajalan batis manuju Langgar.
Di Langgar Al Kautsar Dugal ada saku
sajam. Imbah sambahiyang Subuh, bawirit, do’a wan basalaman. Bulik ka rumah
mambaca amalan harian. Imbahitu mamanasi masin sapida mutur, lalu mambuka
kandang hayam. Satarusnya Dugal manggawi nang lainnya.
Bila hari parai, kada bagawi, inya di rumah
haja. Wayah bagawi, satangah tujuh inya sudah tulak kagawian. Di tampat bagawi
inya bisa sampai pukul dua siang. Ba Juhur biasanya di wadah gawian. Samantara
sambahiyang Ashar di rumah. Sambahiyang lainnya kaya Maghrib, Isya wan Subuh di
Langgar Al Kautsar. (ahu)
Tidak ada komentar:
Posting Komentar