Asa handak tatawa Dugal, tapi ditahannya
waktu sambahiyang Isya di Langgar. Dugal ada di sap pamukaan, di balakang Imam.
Waktu sujut paampihan, ada anak kucing kalayapan.
Pas talihat anak kucing warna habuk
nintu masuk ka tapih Imam, diantara batis kanan wan kiwa. Anak kucing nintu takapit,
untung ranai haja, wayah Imam duduk Tahiyat.
Pusisi duduk Imam kada sampurna. Karna
taduduki anak kucing. Untung Imam kada lawas, ulih saikung Ma’mum anak kucing
nintu balalu dibawa kaluar pada dalam Langgar.
Tantu ada banyak tatakunan dalam pikiran
Ma’mum nang lain. Caka kada sambahiyang Dugal pasti tatawa mangalakak malihat
kajadian nintu. Babarapa manit sabalumnya anak kucing nintu sudah
kalunyur-kalunyur dihadapan buhan Ma’mum.
Pas baampah ka muka anu Imam. Tapih Imam
jadi sasarannya. Dikira kucing, tapih nintu wadah kaguringannya. Caka Dugal nang
jadi Imam waktu itu, mau imbah tuntung sambahiyang, balalu bulik ka rumah marga
supan dilihat Ma’mum nang ada di balakang. (ahu)
Tidak ada komentar:
Posting Komentar