Kamis baisukan satangah sambilan lawan
kawannya, batalu, Amang Ijak wan Amang Adur, saruan pangantinan di Tabat
Padang, Haruyan. Jaraknya sakitar dalapan pal pada Hangkinang. Buhannya basapida muturan ka sana.
Nang kawin, kawannya bangaran Fauzan
Azima anak pasangan laki bini Sarpani wan Nor Anisah, kawan di Tata Usaha,
wadah Dugal Bagawi. Fauzan kawin lawan Nurul Azizah anak Tuan Guru KH Murjani
Andang wan Hj Siti Jubaidah.
Waktu pangantinan di Andang, Dugal jua
saruan babarapa hari lalu. Walau kada tapi jauh pada Tabat Padang, tapi Dugal
kada suah jalan sana. Ini panambayan inya ka sana. Paraan Dugal lawan kawannya
liwat jalan Pangambau.
Sampai di wadah pangantinan Dugal
basalaman lawan tuan rumah wan panyambut tamu. Imbahitu maambil lauk makanan.
Dugal mamilih iwak haruan lamak, urap, gangan gadang, wan iwak pakasam. Mamilih
tampat makan parak lawang kaluar. Sambil mandangar hiburan Habsyi.
Ada saku satangah jam saruan, Dugal lalu
bulikan. Basalaman lawan pangantin Fauzan Azima wan Nurul Azizah. Imbahitu
bulik jalan Gumbil, Kamat, Mandampa, Sungai Hanyar wan Pasar Angkinang. (ahu)
Tidak ada komentar:
Posting Komentar