KAJADIAN ENGKEN

RABU, 14 AGUSTUS 2013

Takisah., ada saurang laki yg engken banar. Pada suatu hari, si laki ni menyuruh bininya maulah lempeng sagu. "Umanya...!, ulahakan lempeng sagu, lakasi nah unda lapar banar dah !" ujar nang laki ini. "Nangkaya apa handak nukar, galapung nya ja kadida" ujar nang bini. Lalu jar nang laki pulang "Nukar sana di pasar lama, nukar sedikit haja, maulahnya kena sabuting haja !, jangan bebarian lawan urang". "Inggih abahnya ae." "Anu.." ujar nang laki.. "Tulak bejalan ja, jangan minta antar unda, habis kena bensin unda !"

Singkat cerita...

+"Umanya... sudah jadikah lempengnya ?, sudah jadi kah !!!!???"
-"Hadangi ini nah handak meantar"

Pas handak memakan, datang tamu, supaya kada ketahuan tamu lekap'akan ke kepala..tukupi kupiah. Hayukam...lempeng sagu panas panas lekapakan ke kepala maka bakas begundul tadi pas haratan mehadangi lempeng (urang engken tu ketuju begundul supaya duit lambat kaluar), ada gunting tumpul tekena kepala, luka...hahaha...padih banar tu...maka rambut sisa tu berikitan kelempeng...
Bukai ai..

"Assalamu'alaikum" ujar tamu
"Wa'alaikumsalam" ujar nang laki tadi bapander sambil manahan padih
"Apa habar"
"Baeeeeek"

Nah gula nang di lempeng tadi tu belilihan..

"Kanapa kapala" ujar tamu
"Bisul pacah bungulai.." jar...

Haha...jaka kada usah disembunyikan tadi, jaka bebagi dua tadi, ada jua makan sebelah, ni kada sudah kada jadi makan, kapala padih.
Wkakakkaakk....

 

Sumber : lucut-tetawa.blogspot.com