Sudah talu hari ini baah di kampung Palui kada sing surutan. Sahingga kagiatan
warga taganggu. Namun Palui kada kukurang akal mamanpaatakan baah ini.
Inya mahancau iwak di pahumaan nang banyunya daras kalaluan baah. Matan
rumah Palui mambawa wadah wan hancau dikawani anaknya, Incul. Manurut Palui
inya katuju baah tarus. Nyaman bajualan anak.
Nang dimaksud bajualan anak adalah manjual anak iwak hasil hancauan. Ada
iwak papuyu, sapat, wan nang lainnya. Hasil hancauan bisa dimakan saurang atawa
dijual anu urang nang lalu.
Karna rumah Palui baada di pinggir jalan, kalaluan urang. Jadi mun ada nang
baminat manukar iwak bisa singgah. Biasanya sawadah halus Palui manjualnya Rp
5000/ takar.
Ada haja ulah kawan kita ini, ujar Garbus sambil lihum tahu Palui bajualan
anak iwak. Tulamak manambahi, dasar raja Palui ini ada haja akalnya mamanpaatakan
musim banyu baah. (akhmad husaini)
Tidak ada komentar:
Posting Komentar