Assalammu’alaikum Wr Wb
Nang ulun hurmati Kaka Akhmad Husaini di
Angkinang, nang rindang wan rarapunan
Langsung haja ulun marasa sangat basalah
atas samua ini. Karna hanyar ulun sadari bahwa ulun kada pantas bakawan talalu
parak lawan pian. Karna ulun adalah murid pian saurang. Sadangkan pian guru
ulun jadi kada mungkin murid wan guru mangikat hubungan nang tatalalu parak.
Ulun sangat basalah sakali. Karna
kakawanan ulun salalu manyambati pian wan ulun. Sakali lagi ulun minta maap,
ulun minta halal, minta rida. Apabila kata-kata salah rahat nang ulun ucapakan.
Nang dahulu ulun muhun maapakanlah. Wan kata-kata kakawanan ulun nang
manyinggung parasaaan pian muhun dimaapakan.
Kaya itulah jalan hidup ini amun kada
dijalani lawan kasabaran pasti kada akan mandapatakan jalan nang lurus. Jadi
ulun muhun pian sabar dalam mahadapi masalah ini. Ulun yakin amun pian sabar
mandangar kata-kata kawan ulun itu pian pasti akan bahasil mandapatakan.
Kata-kata buhannya nintu jadi doa kabahagiaan kita. Sabar adalah lawang kasuksisan
gasan satiap manusia.
***
Pa jangan kira Atul sarik lawan pian dan
guru-guru nang lain. Guru nintu pahlawan tanpa tanda jasa. Masa Atul sarik amun
ada urang nang sarik lawan guru itu mungkin urangnya inda sinting. Ulun marasa himung
karna pian pangartian lawan ulun.
Ulun marasa himung karna ulun dibaritahu
amun kada mungkin Atul akan labih parak lagi. Ulun marasa himung pian pangartian
awan ulun. Ulun jua himung karna ulun dipadahi amun kada mungkin Atul akan
labih parak lagi.
Kaya apa jua sariknya guru lawan ulun,
ulun tatap patuh kapadanya. Sualnya panyabab kita jadi urang tanama gurulah
nang mambariakan palajaran lawan kita. Pa kanapa sih kita jadi disambati bapacaran.
Itu barangkali buhannya nang malihat kita duduk baduaan.
Itu bukannya bararayuan tapi bapandir
masalah kaluarga haja. Buhannya salah anggapan jadi ulun hanyar tahu amun urang
pacaran duduk baduduaan. Uh itukah nang dimaksud bapacaran pantas haja disambati
bagiannya. Salah sangka.
***
Pa Atul handak batakun nih kaya apa
rasanya jatuh cinta nintu ? Rasa apakah waktu kita sadang duduk lawan pacar ?
Itu haja nang handak ulun takunakan. Pa kanapakah jadi kada kunsintrasi lagi
dalam sambahiyang. Napa marganya ? Atawa masalah pacar, masalah kaluarga
ataukah masalah di rumah ?
Pasan ulun, muhun pian jangan sarik lagi
atas partanyaan diatas. Sualnya kanapa kada bagairah lagi sambahiyang, padahal
sambahiyang adalah panarang hidup kita. Kalaunya Atul sasain giat baibadah kapada
Allah SWT. Marga tulisan Kosmetik Wanita Muslimah nang pian bariakan lawan
ulun.
Kanapa sih Pa Atul supan banar apabila kaluar
rumah pakai jilbab. Padahal Atul tahu amun
bibinian mangaluarakan rambutnya walau salambar, jar ganal banar
dusanya. Muhun Bapak bisa mambariakan jawaban.
***
Angkinang dulu hanyar Tawia, badatang dulu
hanyar nikahnya. Cinta ulun nang suci wan mulia apabila kita duduk badua. Jangan
talalu lawan batatapan mata karna itu bias bahaya. Apalagi amun bailang ka
rumah baduaan. Nintu bisa mandatangakan kamaksiatan.
Maapakan ulun kada bisa mamanuhi ajakan
pian bajalanan. Karna ulun manjalanakan sariat agama. Ulun muhun map, mudahan
pian kawa mamaklumi. Walaupun kita hanya baduaan. Tapi Tuhan malihatnya.
Tikas sini haja ulun manulis surat ini.
Kada kawa manarusakan lagi. Pasan ulun, amun sampai bamandak, mun mandi
basabun, ciumlah wadah sujudmu, sabalum mancium pacarmu, amun hakun dicium, biasa
bagaya. Jangan sarik yang lah, supaya pian kada galau lagi.***
Tidak ada komentar:
Posting Komentar