Senin, 19 Okotober 2020
TASARAH PIAN HAJA NAPA KAHANDAK
Ulahan : Akhmad Husaini
Jangan mamandir sual tanah
aku kada katuju muyak mandangarnya
kanapa hanyar tapikir wayahini haja
sudah lawas pang ada barancana
tagal baluman waktunya diungkai
amun kawa ti labih baik lagi kaina
Himung barataan umpat manyamangati
napa garang kalabihan nang ada
amun paampihan cagar sarik haja
barapa kawa ikam kuat manyandang
baranai pang jangan tapi banyak pandir
asa muyak sudah aku mandangarakan
Asa lain parasaan mandibar dada
kaluku kaina datang urang manunti
mambawa huhuas ganal cagar mambayang
harus kuat mahadapi hidup nang karas
tarus manjalani lawan kasabaran
Tasarah pian haja napa kahandak
masin jar banar kaya uyah wadi
kawa gasan mamancuk asam
ulun kada mangarti napa haja
bahanu asa marma diri kaya ini
Ulun sakulah kada tinggi kaya urang
asa supan haja pang jua bahanu pas ditakuni
tapi inilah sudah kanyataannya nang ada
Hangkinang, 3 Uktubur 2020
Tidak ada komentar:
Posting Komentar