Senin, 19 Oktober 2020
CINTA BANUA BANJAR
Ulahan : Akhmad Husaini
Bukti ulun cinta lawan Banjar
napa haja bisa diulah jadi karia
gasan dilastariakan kada cagaran hilang
liwar tupang katujunya ulun
kawa babuat samampu nang ada
kulihan sabuting nang panting ada
amun kada kita siapa lagi manggawi
Inya sudah liwar katuju matan bahari
katuju mambaca bahubungan lawan Banjar
wayahini bausaha kawa manulisakan
Katuju kisah lucu basa Banjar
katuju sajarah wan budaya Banjar
wan nang lain saputar banua Banjar
Bahanu asa hiri banua lain labih takanal
wan sagala nang ada di tingkat nasiunal
urang kada tapi tahu lawan banua Banjar
Ulun baupaya manampilakan sadikit
supaya kaina banjar tarkanal luas
kada banyak sadikit barang
lihum bapair umpat himung
tarus haja jangan tamandak
Ulun julung tumatan sini
mancicing jauh mangulilingi dunia
itu tih kahandak nang ada
nang pasti uptimis kawa jadi nyata
Hangkinang, 25 Siptimbir 2020
Tidak ada komentar:
Posting Komentar