Senin, 19 Oktober 2020
MAMBAYANGAKAN PARIANGAN
Ulahan : Akhmad Husaini
Jar urang rami ka Pariangan
apalagi mun hari Ahad atawa wayah parai
rami bapiknik di sungai
nang ada mija wan kursi
gasan makan wan minum
ulun hanya mambayangakan haja
baluman ada waktu ka sana
Amun hari Ahad atawa parai
jalan macit ampah ka Pariangan
urang datang matan mana-mana di Banua
nang baduhara bajalanan
mahibur hati nang sadih
ngangal bagawi bawa batanang
Liwar bungasnya wadah nang didatangi
mambayangakan Pariangan ulun himungnya
wadah rikriasi hanyar cukup takanal
wayah banyu kada dalam lagi
kaina amun musim hujan
apakah masih batahan atawa kada
Di Pariangan urang bausaha
hidup matan kadatangan pangunjung
warga cagar sajahtara barataan
urang dimana-mana tahu lalu datang
handak malihat kaindahan alam ciptaan Tuhan
mudahan Pariangan tatap batahan
Hangkinang, 17 Uktubur 2020
Tidak ada komentar:
Posting Komentar