Rabu, 5 November 2014
Mamasak
bubur ditambah pandan
Banyak
dimakan kada sing rantian
Hati-hati
awan puradan
Ada
itik urang kaina matian
Amun
bakawan jangan manyalahi
Jadi
guru kada biasa turun
Lydia
Kandou wan Ira Maya Sopha bakalahi
Rami
barukat dalam sinitrun
Tulak
ka pasar mambawa tas purun
Bibinian
anum mamakai tapih
Hujan
labat mulai turun
Tanda
kumarau sudah ampih
Tulak
madam umpat mangalana
Hati-hati
wanyi ada disangat
Mulai
rindu manulis ka Kompasiana
Tambah
gairah tambah samangat
Bagawi
di kantur sampai malam
Singgah
di warung nukar hundang
Salamat
tahun baru Islam
Bulan
Muharram nang dihadang-hadang
Ninja
bakalahi mamakai binit
Turun
digadung mambawa padang
Asa
muyak sudah mahadang
Pabila
jua Jokowi maumumakan kabinit
Hujan
kamarian ada palangi
Urang
rabah bawa batandu
Nang
paling kusanangi
Ada
pacal wan gadu-gadu
Hari
hujan baju mambaal
Mamakai
tapih hinggan dada
Baisukan
sawat sudah mahayal
Mahayalakan
nang kada-kada
Nasi
bungkus iwaknya pada
Banyak
makan awak balamak
Parkimahan
tsanawiyah nangarannya Persilada
Tahun
ini andaknya di Hamak
Tidak ada komentar:
Posting Komentar