Buhan Dugal takumpulan di gardu pus
runda malam itu. Salain Dugal ada Gabau, Kacit, wan Undat. Buhannya rami
bapandiran wan main dumlahan.
Sakitar saratus mitir pada gardu ada
rumah Pahaji Atur nang malam nintu maadaakan paringatan Maulid.
“Napa Gal kada disaru Pahaji Atur kah
ikam, padahal rumah parak,” Gabau batakun anu Dugal.
“Inggih, aku kada disaru sidin,” jawab
Dugal.
“Makanyaam Gal ai umpat kagiatan
kaagamaan, kaya yasinan malam Jumahat nyaman tahu habar urang aruh. Urang rami
Maulidan ikam rami di gardu,” ujar Kacit.
Lalu Dugal piragah manukar ruku ka Kius
Babay. Di rumah Pahaji Atur talihat banyak urangnya.
Kada bakamuatan di rumah ada nang duduk
di palatar. Malihat Dugal ada di Kius Babay, pas Pahaji Atur kaluar rumah.
Laluai Pahaji Atur mangiau Dugal supaya
masuk ka rumah. Asa supan haja pang Dugal. Tapi inya sudah maunting kaya itu.
Umpat saruan Maulid walaupun hanyar disaru ulih Pahaji Atur. (akhmad husaini)
Tidak ada komentar:
Posting Komentar