Tahulah buhan pian tanyata Parisidin
Amirika Sarikat nang hanyar dilantik, Donald Trump ada kancur jariangaunya lawan
urang Banua. Sidin ti lawas banar badiam di kampung Dugal bagana.
Dugal ada hubungannya lawan Donald Trump
itu, tibang ka paninian umanya. Tapi sudah maniga puluh tahun saku sidin maninggalakan
Banua. Pindah ka Amirika. Pas mancalun parisidin, sidin tapilih.
Di Banua ti sidin dikiau Amang Unal
Tarum, salawas badiam di Amirika haja hanyar ngaran sidin baubah manjadi Donald
Trump. Waktu di Banua sidin sakulah di SD, nang parak masigit, atawa
basubarangan kantur pus.
Bahari
Amang Unal Tarum ti urangnya tamasuk macal. Biasa Amang Unal Tarum ini
maunjun, bakacal, mambandang, mambanjur, wan lainnya. Nang paling dikatujui
Amang Unal Tarum adalah makan apam batil Umanya Utui saban Pasar Kamis.
Sawat sidin ka Pasar Kamis, karna handak
manjadi nang pamulaan manukari apam batil Umanya Utui. Ujar Amang Unal Tarum
apam batil ulahan Umanya Utui kadada duanya.
Pas jadi Parisidin Amirika, Amang Unal
Tarum kaingatan apam batil ulahan Umanya
Utui. Laluai mahubungi Dugal waktu acara palantikan inta bawaakan apam batil .
Dugal mamadahakan kada kawa
mangabulakan, karna Umanya Utui nang maulah apam batil nintu sudah lawas maninggal
dunia. Tapaksaai Amang Unal Tarum kada jadi manikmati apam batil imbah sidin
dilantik jadi Parisidin Amirika Sarikat.
Kaina ai, kalu ada waktu, pas kunjungan
karja ka Indonesia, manamui Parisidin Jokowi, Amang Unal Tarum, handak singgah
ka Banua. Dandaman lawan Banua nang sudah lawas ditinggalakan. (ahu)
Tidak ada komentar:
Posting Komentar