Dugal lawan kawannya Undat, Gabau, wan
Kacit bamalam di Gunung Titi. Andaknya di Pihandam, Kacamatan Limpasu, Kabupatin
Hulu Sungai Tangah (HST). Bajarak sakitar 50 pal pada rumah Dugal.
Buhannya tulakan basapida mutur kamarian
Sabtu. Imbah sambahiyang Ashar, buhan Dugal tulak bajalan ampah ka Gunung Titi.
Sampai di Pihandam buhannya mamarkir sapida mutur di parak jalan. Disitu parkir
Rp 10 ribu sabuah sapida mutur.
Mamarkir sahari labih. Buhan Dugal lalu
bajalan manuju Gunung Titi, babarapa jam bajalan hanyar sampai ka sana. Midan nang
diliwati barupa tanjakan wan turunan
yang cukup barat. Amun babawaan tas banyak tantu itu akan manjadi baban.
Pina uyuh pang mamyampaiakan. Jadi
buhannya babarapa kali bamandak sabalum sampai. Buhannya sampai di puncak
Gunung Titi imbah Mahgrib. Bajam-jam di jalan haja, batis asa sakit. Imbah
mamasang tinda buhannya istirahat sambil manyiapakan makan.
Dugal pina kada bagairah, kauyuhan bajalan,
lawan jua inya asa garing. Kapala wan gigi sakit mulai rumah. Jadi kakawanannya haja di luar tinda bamasak.
Samantara Dugal baganaan di dalam. Malam di Gunung Titi dilalui lawan baragam
hal.
Salain buhan Dugal ada jua nang bamalam
malam itu. Ada nang matan Tanjung, Amuntai wan Barabai. Jadi kada sunyi malam
itu. Pas siang Dugal sasain kada nyaman awak.
Inya asa barat bapuat. Kakawanannya
bajalan ampah ka puncak lain, Dugal batinggal saurangan di dalam tinda. Jam
dalapan buhannya turun pada gunung.
Maambil sapida mutur di parkir, buhannya
bulikan. Dugal umpat di balakang, kawannya nang mambawa basapida mutur. (ahu)
Tidak ada komentar:
Posting Komentar