Takabul hajat Dugal, marga kabisaannya
dalam bidang tulis manulis, inya ditulakakan urang bajalanan mangulilingi Pulau
Sumatera.
Barataan biaya akumudasi, tranpurtasi, kunsumsi
salama disana ditanggung urang. Inya tinggal basangu tas baisi pakaian wan
sangu.
Inya tinggal duduk manis haja. Namun
saban hari inya harus manulis hasil parjalanan ka blug atawa pisbuk wan midia
lainnya.
Pamulaan Dugal ka Aceh. Dugal bakunjung
ka babarapa tampat manarik. Kaya Museum Tsunami, Masjid Baiturrahman, Kantor Gubernur
Aceh, wan Kantor Redaksi Serambi Indonesia. Sakitar babarapa hari di Aceh Dugal
malanjutakan parjalanan ka Sumatera Barat.
Singgah di Padang. Malihat lomba pacu
itik, ka jumbatan akar, wan lain-lain. Tarus ka Sumatera Utara, Sumatera
Selatan, Jambi, Riau, Bengkulu wan Lampung. Banyak pangalaman Dugal salawas
inya ka Sumatera.
Kada lupa bila singgah di satiap parupinsi
inya manukar ulih-ulih has wan surat kabar di satiap kuta nang ada. Jua Dugal
jarah ka makam-makam ulama tarkanal di satiap parupinsi nang dikunjunginya.
Tantu inya kada ingat singgah di masigit ganal nang ada disana, salain gasan
ibadah jua mangagumi bangunannya.
Samuaan hasil parjalanan inya tulis dalam
bantuk ripurtasi dilangkapi lawan gambar sabagai panunjang.
Gasan kanang-kanangan, bahwa inya parnah
ka sana. Jua Dugal salalu bagambar lawan kakanakan wan bibinian di parupinsi
nang inya datangi, bukti inya akrab lawan lawan warga disana. (ahu)
Tidak ada komentar:
Posting Komentar