Dugal itu urangnya panggaya. Kada di
rumah, di wadah bagawi gin kaya itu. Kurbannya kakawanan guru. Tapi bagaya nang kada marugiakan. Bagaya
gasan maampihi galau haja.
Pas buhannya bulikan sakulah. Buhan guru
ka ruang Tata Usaha (TU) mamincit pinjir prin. Tunggal likungan buhannya mamincit
balalu bulikan. Tatinggal lagi Amang Hilas, Acil Sasa, wan Dugal d ruang TU.
Acil Sasa wan Amang Hilas asik bapandiran napakah.
Sadangkan Dugal asik mangatik di liptup.
Kada lawas Acil Sasa handak bulik. Pas manuju ka sapida mutur, kada lawas tatawa
saurangan. Lalu babulik masuk ka ruang
TU. Manampayakan sapatu nang dipakainya. Tanyata Acil Sasa mamakai sapatu lain
sabalah, sabalah kiri sapatu bibinian, sabalah kanan sapatu lalakian.
Tanyata itu ulahan Dugal waktu Buhan
Acil Sasa wan Amang Hilas asik bapandiran di ruang TU tadi, Dugal mahurupakan
kaandakan sapatu Acil Sasa wan Amang Hilas. Sabuting sapatu Acil Sasa
diparakakan lawan sabuting sapatu Amang Hilas.
Lihum Dugal imbah tahu Acil Sasa kada
marasa, pas manculup sapatu lain sabalah nintu. Caka sampai ka rumah kaya itu, kaya
apakah ? Amang Hilas umpat jua tatawa. Imbah itu hanyar buhannya bulikan ka
rumah masing-masing. (ahu)
Tidak ada komentar:
Posting Komentar