Aruh Sastra Kalimantan Selatan (ASKS)
XVI Tahun 2019 cagar dilaksanaakan di Kabupaten Tanah Bumbu, matan tanggal 15
sampai lawan 17 Nupimbir 2019. Amun kada salah andaknya di Pagatan.
Rumbungan buhan Dugal cagar umpat tulak
kasana. Rancananya baisukan Jumahat (15/11/2019) sakitar jam 6 barangkat matan
Kantur Dinas Pandidikan Hulu Sungai Salatan (HSS) naik mutur bis manuju Tanah
Bumbu.
Arus Sastra tahun ini mamasuki tahun ka
anam walas palaksanaannya. Dugal tamasuk nang aktip umpat Aruh Sastra,
panambayan di Kandangan tahun 2004, sampai di Kutabaru tahun 2018 samalam, inya
sudah talu walas kali umpat Aruh Sastra.
Aruh Sastra di Tanah Bumbu baarti nang
ka ampat walas kali inya umpat. Dugal baharap malalui Aruh Sastra tarus tajalin
silaturrahmi buhan sastrawan di Banua. Wadah inya manambah pangalaman wan
wawasan nang hanyar saputar sastra.
Gasan buhan panitia ASKS XVI Tahun 2019
di Kabupaten Tanah Bumbu, Dugal mando'aakan, mudahan acaranya bajalan suksis
wan lancar, sasuai nang diharapakan.
Salamat maumpati Aruh Sastra di Tanah
Bumbu, Insya Allah Dugal kawa batamuan buhan sampiyan barataan. (ahu)
Tidak ada komentar:
Posting Komentar