Siapa kada tahu lawan Band Wali. Tamasuk
jua Dugal, inya adalah saikung urang panggamar lagu-lagunya. Ahad kamarian
Dugal malihat di tipi ada acara Kunsir 20 Tahun Kiprah Wali di Balantika Musik
Indunisia, nang diadakan di Punduk Pasantrin Latansa, Lebak, Banten.
Wali tampil lawan Iis Dahlia. Siap kada tahu
lawan lagu Bang Toyib, Abatasa, Cari Jodoh, Nenekku Pahklawanku, wan lain-lain.
Dugal tamasuk pandangar satia. Karna lagunya cukup nyaman didangar wan banilai
manpaat.
Pada tayangan di tipi nintu Dugal
malihat ada nang maraca nasi tumping, yaitu saikung parsunil Wali nang disarahakan
anu Pangasuh PP Latansa. Jua ada paluncuran buku manganai Wali nang bakiprah 20
tahun dalam dunia musik di Indunisia.
Ada kuitan bibinian parsunil Wali. Parsunil
Wali batukup mata lalu dihadapakan lawan kuitannya, manangguh siapa nang
dihadapannya. Ada jua panampilan parsunil Wali nang cangul basama bini wan anak
masing-masing.
Dugal kada sampai habis malihat tayangan
nintu. Dugal umpat mando’aakan haja mudahan Band Wali tatap bakaria sampai
kapanpun, lagu-lagunya tatap nyaman didangar di talinga. (ahu)
Tidak ada komentar:
Posting Komentar