Dugal ada baisi kawan sa kampung,
ngarannya Gabau. Kuitan Gabau tukang ulah wadai, diantaranya wadai untuk, nang
dijual satiap hari waktu pasar Subuh. Ada kisah lucu nang dialami ulih kawannya
Dugal nintu.
Singkat kisah, Dugal wan Gabau malam itu
bajalanan malihat urkis. Buliknya tangah malam. Gabau kahausan. Mancari
minuman. Karna kadap inya maambil, cangkir nang dikiranya banyu tih. Langsungai
Gabau maambil, balalu manuntumnya.
Tanyata nang inya nginum nintu kada
banyu tih. Malainakan minyak lamak bakas manyanga wadai untuk babarapa hari nang
lalu. Napa tia muntung Gabau miar asa lamak-lamak di rakungan.
Tahu nang diminumnya minyak lanjar,
bagagas Gabau ka pabanyuan, mambarasihi muntung lawan banyu. Asa tatawa haja
Dugal imbah mandangar kisah kawannya nintu. Makanya mun malakuakan sasuatu nintu
harus bahati-hati, dikira-kira labih dahulu. (ahu)
Tidak ada komentar:
Posting Komentar