Ahirnya Dugal bagundul jua. Sudah
batahun-tahun saban bulan puasa inya barancana handak bagundul. Tapi dua talu
tahun ini kada jua jadi kanyataan.
Pas bulan puasa ini, parak hari raya
Dugal bagundul. Pas sudah libur bagawi, jadi kada supan. Tapi babarapa hari
Dugal bahinip di rumah haja. Manumbuhakan sadikit rambutnya.
Dugal marasa sigar wan kaya kadada
masalah imbah bagundul. Bahari, sapuluh tahun silam, bilang tiap tahun bagundul.
Dugal bagundul anu kulanya.
Kada rahat manggundul urang, tapi karna
disuruh Dugal inya hakun. Bamudal babarapa buting lading silit nang puga. Jua
rarapan janggut, nang silitnya kawa di cabut.
Dugal bagundul di palatar rumahnya. Ada
gayung baisi banyu gasan malapai rambut. Ada saku sajam hanyar tuntung Dugal
bagundul. Langsung inya mandi imbah itu.
Mangalunyur banyu di kapala karna kadada
rambut. Kaya itu jua imbah mandi kada parlu basurui lagi, cukup dilap wan
handuk haja.
Handak babuka puasa sawat haja Dugal
maitihi kapalanya nang kada barambut malalui caramin parak jandila. Bahanu
lihum saurangan malihat kapala kaya Pak Ogah, nang ada di kisah Unyil bahari.
(ahu)
Tidak ada komentar:
Posting Komentar