Dahulu sakulahan Dugal bagawi dapat masin
putukupi bantuan matan Dinas Pandidikan Parupinsi Kalimantan Salatan. Sudah babarapa
kali masin putukupi itu rusak. Babarakali jua dibaiki atawa disirpis. Dahulu
diandak di kantur Tata Usaha wahini di alih ka kuprasi, nang manangani
panggunaannya.
Tapi karna kuprasi kadada tampat lagi, karna
gasan wadah kantin bajualan, lalu masin putukupi nintu di andak ka ruang Bimbingan
Kunsiling (BK). Nang maurusi tatap buhan kuprasi jua. Guru atawa siswa nang handak
mamutukupi bayar anu buhan kuprasi.
Dugal dahulu bisa mauprasiakan masin putukupi
nintu. Tapi karna batahun-tahun kada tajapai lagi, Dugal kada tapi ingat lagi. Lawas
ditukupi masin putukupinya, kadi kada ingat lagi.
Galak tatawaan buhan kakawanan malihat kalakuan
Dugal. Lawas tatukupi masin putupu…..ih putukupinya jadi kada ingatan lagi
manggunaakannya. Dugal…Dugal. Handak inta tukupi jua sakalinya, ulih Acil
Ninit. Iya kalu Gal. (ahu)
Tidak ada komentar:
Posting Komentar