Panampilan Dugal talihat babida. Rambutnya
bilang habis, atawa gundul. Jadi inya manjadi parhatian kakawanannya di wadah inya
bagawi, atawa jua waktu baada di kampung.
Kanapa mati Dugal bagundul. Anu kawannya Dugal
bapadah bahwa inya bagundul karna baisi
nazar, bila urusannya tuntung, inya cagar bagundul.
Tapi Dugal kada mamadahakan napa urusannya nintu.
Manurut Dugal bila sudah bagundul asa ringan pikiran. Salain itu inya kada
basurui lagi bila handak tulak bagawi, karna rambutnya sudah handap.
Waktu bajalanan ka Balangan, Acil Suna takajut
malihat Dugal bagundul. Acil Suna mangaku asa kada pinandu malihat. “Pian
sasain balangkar,” ujar Acil Suna.
Himung Dugal disambat sasain balangkar. Balalu
ha inya asa ganal gulu baju. Ada saku maampat jam Dugal baganaan di warung Acil
Suna. Talu buting guguduh, sabungkus nasi wan sacangkir tih is habis langlap. Imbahitu
hanyar Dugal malanjutakan parjalananan ka dairah lain di Balangan. (ahu)
Tidak ada komentar:
Posting Komentar