Hari Sabtu buhan Dugal sawat bulikan. Biasanya
jam satangah dua, tapi kali ini jam dua blasan haja. Kakanakan dibulikakan jua.
Rumbungan buhan Dugal saruan pangantinan ka Lungau.
Acaranya pada hari Ahad. Tapi karna tuan rumah
manarima hari Sabtu jadi buhan Dugal saruan hari Sabtu haja. Masing-masingnya
kalunyuran ka sana naik sapida mutur.
Jaraknya sakitar 15 pal pada sakulahan Dugal
bagawi. Sampai disana buhan Dugal, lalu tuan rumah manyuruh masukan. Ka wadah
makanan nang sudah ada di bawah sarubung. Asing-asingnya maambil makanan nang
ada, sasuai salira masing-masing.
Dugal maambil garih batanak, lalu maisinya
lawan nasi. Salain makanan ada jua bubur kacang. Dugal maambil sacangkir halus.
Lalu mambawanya ka wadah makanan. Tuntung makan, Dugal manikmati bubur kacang.
Tanganga Dugal marasai bubur kacang. Pina lain
pada biasanya. Tanyata inya mamakai sinduk bakas makan tadi. Karna inya tadi
banyak manjumput acan pakai sinduk itu, jadi bubur kacangnya lain rasanya.
Saumuran ujar Dugal hanyar ini suah tarasai bubur kacang basambal acan. (ahu)
Tidak ada komentar:
Posting Komentar