Bulik saruan pangantinan lawan kawannya ka
Lungau. Lalu buliknya jalan Sungai Kupang, ka Gambah lalu ka Rantawan. Buhan Dugal
singgah anu kawannya di Rantawan. Disana buhannya mamutik nyiur anum. Andak
rapun nyiur di higa rumah.
Nyiurnya kada tapi tinggi sapanjangkauan haja.
Dugal kada panaiakan jadi inya kada bisa. Kawannya haja nang naik. Kawannya mambawa
parang naik ka atas gasan manatak tangkai nyiur. Satundunan nang diputik. Buhannya
bakumpulan di palatar. Maulah nyiur anum basatrup. Pamulaan nyiur dikupas lalu
banyunya dimasukakan ka dalam iskan.
Nyiur dibalah lalu dagingnya dikarik. Ada sakitar
sapuluh bigi nyiur nang diputik. Buhannya manikmati is nyiur basatrup. Asa
sigar awak imbah maminum is nyiur basatrup nintu. Imbah takarik nyiur di
cangkir buhannya hanyar bulikan ka rumah masing-masing. (ahu)
Tidak ada komentar:
Posting Komentar