Imbah maumpati tihnikal miting Pagalaran Sastra
Aruh Sastra Kalimantan Selatan (ASKS) XIV Tahun 2017 di Aula Dinas Pendidikan Hulu
Sungai Selatan (HSS), Dugal bulik ka rumahnya di Hangkinang. Bajarak sakitar 10
pal pada rumahnya. Inya lalu mandi, baganti pakaian, lalu sambahiyang Juhur.
Imbahitu inya mangalunyur tulak ka Balangan.
Bajarak sakitar 60 pal pada Hangkinang. Tujuannya ka Kacamatan Halong. Disana
inya malihat kagiatan masarakat wan pamandangan alam. Imbah matan Halong, Dugal
babulik ka Paringin.
Disana inya kaya biasa singgah di warung Acil Suna.
Di balakang rumah Acil Suna banyak kabun milun. Karna kacar Dugal inta padahakan
anu ampun kabun handak manukar babarapa
bigi milun.
Lalu Acil Suna ka wadah urang nang baisi kabun
milun. Hakun ditukari lalu, talu bigi dibawa ka warung. Acil Suna maracakakan
milun sabigi gasan Dugal. Harau Dugal pina kaya urang kalaparan haja. Sabigi
milun habis dimakanya. Sisa dua bigi dibariakannya anu Acil Suna.
Inya sudah tamakan milun asmara matan Balangan.
Padahal di Talaga Langsat, sakitar 6 pal pada rumahnya, rami urang bakabun
milun. Dugal Hakun ka Balangan manikmati sabigi milun asmara nang jauhnya 60
pal labih pada Hangkinang. (ahu)
Tidak ada komentar:
Posting Komentar