Tampulu hari libur Dugal lawan kawannya sa kampung
bamalam anu kawannya di Labung Anak. Jaraknya sakitar 60 pal pada rumah Dugal
di Hangkinang. Ka sana Dugal basapida mutur lawan kawannya. Dugal duduk manis
umpat di balakang haja.
Ada banyak sangu nang dibawa Dugal. Baras talu
litar, iwak sapat karing, pisang manurun, gula, teh, dll. Sampai disana barang tadi
dimasukakan ka rumah. Sudah lawas Dugal handak bamalam anu kawanya bangaran
Ihar. Ihar sudah babini lawan urang Batu Tangga bangaran Imah.
Dua laki bini bini sudah lawas akrab lawan
buhan Dugal. Rancak batulakan ka tampat wisata. Malam Ahad pas banar Dugal
bamalam disana. Imbah Isa buhannya bamasakan di muka rumah. Salain Dugal,
Undat, Ihar wan Imah, ada jua kawannya Sari wan babarapa kakanakan di Labung
Anak. (ahu)
Tidak ada komentar:
Posting Komentar