Dugal tamasuk urang nang kada panyaruan.
Bila disaru urang jarang inya datang. Hakun bahinip di rumah atawa dibawanya
bajalanan ka lain. Di wadah bagawi rancak ada urang saruan. Baik itu
pangantinan, mahaul, Maulid, dsb.
Tapi Dugal tarancak kada datang. Bila
jauh ada haja alasannya. Kacuali inya dibawa kawan basapida mutur, hanyar hakun
umpat saruan. Kada panyaruan kada parajakian. Itu bujur banar. Kaya Dugal nintu
tih, nang pastinya inya kada dapat nasi wan iwak nang disiapakan ulih tukang
saru. Pas takana napakah tuan rumah maampluki nang saruan lawan duit bulikannya.
Kalakuan Dugal dibawai lawan kabaikan
haja ngalih banar. Maka ibarat tinggal manyuap haja lagi, iwak tinggal pilih
napa nang dikajutui. Ngarannya Dugal ti, sakahandak inya suarang haja. Tamasuk
urang nang kada kamanusiaan. Inya katuju manyaurangan, katuju wadah nang sunyi.
Alasannya inya bibas sakahandak hati, napa
nang dikahandaki. Wayah kaya itu inya asa himung. Dugal paling kada nyaman bila
sudah urang banyak, galisah handak banar bajauh ka lain. Asa tasiksa diri bila
ada urang. (ahu)
Tidak ada komentar:
Posting Komentar