Jumat, 22 Desember 2017

Surat Kabar Haliling

Sabtu, 23 Desember 2017


Dugal kaingatan waktu bahari. Dugal katuju banar mambaca. Apa haja dibacanya. Tamasuk surat kabar. Parak rumah Dugal ada urang bajual surat kabar. Gasan manukar surat kabar Dugal hakun haja bangangal bacari duit, asal kawa manukar surat kabar gasan dibaca.

Dugal sawat mancari haliling gasan manukar surat kabar. Baisukan sawat inya tulak ka pahumaan mancari haliling. Matan rumah bajalan batis manuju pahumaan. Baampah ka hilir wan ka hulu. Di pahumaan nang ada tanaman banih mahijau nitu Dugal mulai mahaliling.

Sampai tangah hari ada saku saimbir inya baulih haliling. Haliling itu dijual balitar anu urang nang baingunan itik di kampungnya. Duit hasil bajualan haliling langsung ditukarakan surat kabar. Dugal katuju mambaca surat kabar. Dalas bauyuh inya mancari hailing asal surat kabar tabaca hari itu. (ahu)

Tidak ada komentar:

Posting Komentar

Puisi AHU : Watak Simbol Intonasi Perangai Jingga

 Jumat, 22 Maret 2024 Cerita guramang alasan manis kian sinis watak simbolis kehendak penawar lara senarai kehendak intim suara nurani ego k...