Rabu, 20 Desember 2017

Hujan Mambawa Barkah wan Hikmah

Kamis, 21 Desember 2017


Dugal sawat tulak ka Kandangan, sakitar jam satangah anam. Inya cagar maumpati Jalan Sihat. Matan rumah inya basapida mutur. Sabalumnya inya singgah ka sakulahan, maambil pinjir prin. Buhan kakawanan guru kada parlu datang ka sakulahan, tinggal datang ka rumah Ibu TU haja di Pandai.

Sampai di Kandangan Dugal mamarkir sapida mutur di subarang Kamanag. Lalu imbahitu inya manyubarang jalan. Karna balum makan inya manuju warung. Mamasan tih dingin, nasi bungkus wan katupat. Imbah makan Dugal bagabung lawan pasarta lain. Imbah dilapas ulih Katua DPRD HSS, kada lawas hujan turun labat banar.

Hanyar tahun ini Dugal maalami Jalan Sihat hujan. Padahal mulai rumah inya taniat umpat jua bajalan. Karna tahun sabalumnya basapida mutur mairingi lawan kawannya Amang Arul, batugas sabagai siksi Dukumintasi. Kada kawa dikarasi jua amun bajalan, disambat urang kasaingan kaina. Bisa basah kabawah-bawah, asa kada nyaman dirasa. Baik bataduh di wawarung, nyaman ada lilihatan.

Ada parigal napa hingga Jalan Sihat tahun ini kada kaya biasanya ? Dadangar habar ujar Dugal marga ada paralihan pucuk pimpinan, ada nang hanyar jadi pamimpin atawa kapala ahui. Mudahanai ini mambawa hikmah wan barkah. (ahu)

Tidak ada komentar:

Posting Komentar

Puisi AHU : Watak Simbol Intonasi Perangai Jingga

 Jumat, 22 Maret 2024 Cerita guramang alasan manis kian sinis watak simbolis kehendak penawar lara senarai kehendak intim suara nurani ego k...