Rabu, 20 Desember 2017

Manikmati Pintul Basanga di Jumbatan Layang

Kamis, 21 Desember 2017


Kada lawas tadi Dugal lawan kawannya bajalanan ka Balangan. Tujuan utama ka Makam Datu Kandang Haji di Juai. Ada hajat ujar Dugal, jadi inya datang kasana. Imbah bulik matan Makam Datu Kandang Haji di Paringin pas di jumbatan layang buhannya singgahan.

Disana banyak urang basantai malihat aktipitas trak batubara lalu lalang. Di atas jumbatan ada urang bajualan pintul basanga. Rami urang mahurung. Taumpat jua Dugal wan kawannya. Ada sudah disiapakan ulih paman pintul cucuknya. Dugal tinggal mancacap haja ka sambal.

Ada saku babarapa cucuk Dugal maambil lalu mamasan is bapalastik. Inya mamilih rasa milun. Karna kahausan is nintu habis sakali hadap haja. Imbahitu Dugal mamasan pulang is bapalastik, tapi rasa milun habis.

Dugal mamilih rasa limau nipis. Dugal asa himung bisa baada disana. Malihat suasana nang babida. Jaraknya sakitar anam puluh pal matan rumahnya di Hangkinang. Inya baada di Balangan. Kada lawas buhan Dugal baampah bulikan, karna ari sudah parak sanja. (ahu)

Tidak ada komentar:

Posting Komentar

Puisi AHU : Watak Simbol Intonasi Perangai Jingga

 Jumat, 22 Maret 2024 Cerita guramang alasan manis kian sinis watak simbolis kehendak penawar lara senarai kehendak intim suara nurani ego k...