Napa gawian Dugal di sakulahan wayahini
? Jadi tukang parkir. Tulak matan rumah satangah tujuh basapida mutur. Imbah sampai,
sapida mutur diandak di wadah parkir husus gasan guru atawa Tata Usaha (TU).
Lalu Dugal baampah ka ruang TU wadah
inya bagawi. Mambuka tirai, jandila, wan lain-lain. Imbah dirasa ranai, Dugal
balalu ka muka. Maatur parkir murit kalas sambilan. Amun kada dijaga, kakanakan
maandak sapida babarang haja.
Dugal takutan jalan hibak, urang kampung
kada kawa lalu. Jadi amun ada nang manjaga, buhan murit tartip maandak sapidanya.
Pamulaan sapida diandak di ruang dalam balakang ruang Kapala Madrasah.
Imbah hibak hanyar di luar, tapi
andaknya masih di dalam kandang ulin. Bila samuaan hibak, hanyar diarahakan ka halaman
muka. Kada samuaan murit hakun maandak sapida ka dalam. Alasannya buliknya
tadudi pada nang lain.
Parak sajam Dugal maatur parkir ini,
hanyar kakanakan mulai ranai. Masuk ka kalas masing-masing. Dugal imbahitu ka
ruang TU malanjutakan tugas samalam nang balum tuntung. (ahu)
Tidak ada komentar:
Posting Komentar