Senin, 18 September 2017

Badapat Kuitan Angkat | Kisah Dugal

Selasa, 19 September 2017


Rami buhan Dugal basapidaan ampah ka gunung. Biasanya buhannya saban hari Ahad atawa hari parai tulakan ka sana barumbungan. Kaya hari Ahad samalam Dugal wan kakawanannya bajalanan ampah ka gunung basapidaan.

Ada saku basapuluh urangnya. Malamnya, imbah bulikan matan gunung tadi, di gardu pus runda Dugal bakisah lawan kakakawanannya sual pangalaman basapida ampah ka gunung. Tanyata inya banyak batamu kuitan angkat disana.

Kawannya Dugal nang ada di gardu kada parcaya apa nang dipadahakan ulih Dugal nintu. Baarti banyak tu kuitan angkat disana, wan napa alasannya maka baangkatan kuitan di gunung. Dugal lihum, kawannya kada paham napa nang dimaksud kuitan angkat tadi.

Maksudnya waktu basapidaan tadi pas hujan labat, buhannya lalu jalan tanah kuning, jadi lucak. Supaya sapida kawa bajalan tapaksa licak nang ada di ban di kuit lawan bibilah.

Imbah dikuit sapida tadi diangkat ka tampat nang kadada lucaknya. Kaya itu tarus sampai bulik ka rumah, ada saku babarapa kali sapidanya dikuit wan diangkat.

Jadi kada kuitan angkat manusia pang, tapi manguit lucak nang ada di ban sapida, imbah itu lalu diangkat sapidanya mahindari jalan nang balucak. (ahu)

Tidak ada komentar:

Posting Komentar

Puisi AHU : Watak Simbol Intonasi Perangai Jingga

 Jumat, 22 Maret 2024 Cerita guramang alasan manis kian sinis watak simbolis kehendak penawar lara senarai kehendak intim suara nurani ego k...