Kamarian samalam Dugal bailang anu
kawannya nang hanyar datang naik haji. Kawan Dugal itu naik haji lawan lakinya.
Dugal bailang tadudi pada kakawanannya nang lain. Banyak pangalaman hanyar nang
dikisahakan kawannya saputar suka duka palaksanaan haji tahun ini.
Kada lawas Dugal disurungi tuan rumah ulih-ulih
matan Makkah. Ada kurma, kismis, kacang Arab, air zam-zam, dsb. Tapi ada
susurungan nang lain. Kawan Dugal nang ada di higa mamadahakan anu Dugal itu
adalah apam Arab.
Dugal panasaran. Lalu marasai wan
malihat langsung bantuknya. Manurut Dugal sama haja lawan apam Banua, nang
rancak dirasainya di wawarung. Dugal sampai bahualan lawan kawannya sual apam Arab
nintu.
Isuk harinya hanyar Dugal tahu dipadahi
kakawanannya nang tadahulu bailang pada inya. Apam nintu mimang ulahan asli
Banua jua. Apam itu tih diulah ulih Acil Arabiya nang badiam di Pakumpayan.
Imbah batampah anu Acil Arabiya,
kaluarga nang datang haji manjadiakannya gasan wadai susurangan nang datang bailang.
Pas banar disurungi lawan apam Arab ulahan Acil Arabiya. Jadi kada apam nang
langsung dibawa matan Arab pang. (ahu)
Tidak ada komentar:
Posting Komentar