Imbah bulik anu kawannya di Tibung,
Dugal singgah di Parincahan. Manuju sabuah warung langganan anu Umanya Diding.
Kaya biasa inya mamasan tih is. Lalu maambil nasi bungkus. Dugal mamilih iwak
haruan masak habang.
Imbah makan nasi bungkus, karna masih
lapar, Dugal maambil guguduh pisang manurun. Kaya biasa makan guguduh mamakai
patis. Inya maambil patis nang ada di cucut husus. Tanyata nang inya ambil
patis nang padas.
Padahal inya sudah banyak mambuat di
pipiringan. Dikira patis biasa nang kada padas. Dugal mancari akal. Pas paraknya
ada uyah di dalam galas. Laluai uyah itu dimasukakan ka piring baisi guguduh.
Sajumput uyah di masukakannya ka muntung.
Ampih miming padasnya, tapi muntungnya pulang kamasinan. Hanyar tarasa makan
guguduh pakai uyah ujar Dugal. Kada marga handak malalain, tapi maubah rasa padas
haja. (ahu)
Tidak ada komentar:
Posting Komentar