Awak miang pina
bahama
Mangasainya
pakai ubat nang harat
Gasan bamula
bahuma
Di Langgar
diadaakan acara mahalarat
Pangantin dibawa
batimung
Jujuran talalu
larang
Ada jua rasa
himung
Blogku
sketsahss212 dibuka urang
Kampung gigir
banyak tantara
Camat sarik anu
pambakal
Hidup di dunia
hanya samantara
Di ahirat adalah
nang kakal
Mamuai wanyi
takana sangat
Tuang madu bawa
balalu
Makan tangahari
pina basamangat
Ada iwak haruan
wan wadai apulu
Kaluarga kami
kaluarga patani
Imbah makan lalu
banganga
Nyamannya
kamarian ini
Makan pisang
manurun basanga
Turun ka palatar
mambawa banang
Gangan dimasak
lalu diharu
Ada dadalang
wayang kulit di Angkinang
Ngarannya Igus
rancak disaru
Nyamannya iwak
haruan baubar
Dibari samalam
ulih Paman Sudin
Samua urang
sudah tahu habar
Dua puluh
Uktubur Jokowi dilantik jadi Parisidin
Ka Halabiu
manukar itik
Tarus ka
Hamuntai manukar payung
Napa harapan
Parisidin nang hanyar dilantik
Supaya rakyat
rajin bagutung ruyung
Hayam anak balum
bataji
Manukar umpan
sakilu labih
Napa ulih-ulih
kawan nang datang haji
Dibari kupiah
haji wan tasbih
Manimbai lunta
sasuai arah
Kada baulih
marga kadalaman
Malihat bibinian
pina bagairah
Urangnya bungas
lagi palihuman
Urang tulak kada
ingat kalaluan
Banyak bagawi
pada santai
Saharian
mangulingi Pahuluan
Mulai Kandangan
hingga ka Amuntai
Tidak ada komentar:
Posting Komentar