Urang Angkinang
takanal ramah
Buhan pamudanya
katuju bahayau
Ada suara
mangiau diluar rumah
Tanyata Acil
mambari iwak puyau
Kayu bapangkih
manalu kabat
Andak sapalih di
parak halaman
Aku mambaca di
Banjarmasin Post Bertemu Sahabat
Nang ditulis
ulih Mujiburrahman
Kantur
parusahaan dijaga SATPAM
Banyak karyawan
nang hanyar
Hari ini aku
datang ka PAM
Batakun sual
apakah rakining mulai bayar
Manyiram tumat jua bayam
Nukar bibitnya
di Marabahan
Lawas sudah kada baingun hayam
Nang biasa
dikurung di barumahan
Tangah malam
guring mailan
Batis luka jalan
baingkang
Kumarau datang
sudah babulan-bulan
Pahumaan karing
tanahnya bangkang
Tulak ka
Hamuntai tarus ka Halabiu
Dapat rajia
maungkai katipi
Lawas sudah kada
mandangar radiu
Salawas di rumah
ada tipi
Urang asing
nangkaya salau
Rambutnya pirang
pina babalah
Napakah hari ini
pina galau
Pikiran mauk
banyak masalah
Di Balai Malaris
ada upacara adat
Tapih bahalai
dijajak batis
Siapa kada tahu
lawan ardat
Gumbili basanga
dicacap ka patis
Bulan puasa
malikit alili
Laduman paring
dibari sumpal
Ada wadai lain
diulah matan gumbili
Bantuknya bulat
disambat gumpal
Di Binuang
banyak rimpi
Di Pasar Rantau
bajual sabut
Hati-hati lawan
api
Amun sudah ganal
mambawa abut
Ka Palimbang
manukar palu
Banyak warik
diatas dahan
Malam Salasa
pamadam bajurut ampah ka hulu
Ada dimanakah
urang kamandahan
Tangahari
tadangar suara bubut
Lalu mutur ganal
bunyi gadangkaran
Pamadam pina
kalng kabut
Sahari maampat
kali manyasah kabakaran
Rapun nangka
batatai rambutan
Nyiur anum lalu
diisap
Kamarian hujan
sing labatan
Pamulaan imbah
kabut asap
Hari libur
mamalami nini
Disuruh bangun
sawat Subuhnya
Sudah babarapa hari
ini
Tipi kabal
bakurang siarannya
Maluangi suling
pakai panjar
Supaya panas
listrik dipasang
Apa haja
lagu-lagu Banjar
Diantaranya
Paris Barantai wan Ampar-Ampar Pisang
Banyak urang
maunjun jadi ingar
Umpan anai-anai
gugur ka tanah
Asa himung hati
mandangar
Isuk disaru
makan di Warung Hj Sanah
Dugaan urang
takana sihir
Hingga awaknya
hibak kurap
Kaya apa hasil
partandingan tarahir
Indunisia
malawan Uni Imirat Arap
Nukar sutu
bacampur sati
Kayu dibanam
maulah harang
Caka ada duit
kada manyakit hati
Laptup wan mudim
nukar saurang
Tidak ada komentar:
Posting Komentar