Urang cangkal
pasti suksis
Hidup mandiri
kada tarikat
Sasirangan
kabanggaan Kalsil
Pakaian has nang
sudah mamasarakat
Bulik bagawi
langsung bamasak
Mambanam iwak
pakai jajapit
Rumah di kampung
sasain sasak
Panduduk
batambah tanah bakipit
Di Binuang ada
Sirkuit Balipat
Kada jauh ada
lapangan main bal
Ada nang
bangaran lapat
Cara mamakannya
lawan sambal
Bakawinan
mamakai undangan
Mangirim barang
mangiau ujik
Ada nang takanal
matan Kandangan
Yaitu dudul wan
wajik
Handak sarius
jangan bararamian
Jangan takutan
harus wani
Pasar Kandangan
wadah parikunumian
Napa nang handak
ditukar ada disini
Di sungai banyak
bajijir jamban
Daun diputik
banyak nang layu
Napa nang
takanal matan Bamban
Ada karupuk nang
diulah matan gumbili kayu
Awak raksasa
sasain ganal
Manukar minyak
di tuku Agus
Siti Nurhaliza
panyanyi takanal
Urang Malaysia
nang suaranya bagus
Balajar
Matimatika dimulai mangali
Bisa mahitung
mudahan baguna
Aku katuju lagu-lagu
buhan Wali
Inya rami wan
bamakna
Kakanakan
bibinian mamakai bandu
Disuruh abahnya
maatar undangan
Aku wayahini
sudah rindu
Marasai
kanyamanan katupat Kandangan
Amun kaluar
rumah mamakai baju
Supaya kada
supan lawan kula
Sabuting lagu
Siti Nurhaliza nang katuju
Iramanya rantak
judulnya Nirmala
Maulah tapai
matan lakatan
Tulak manjual ka
Kuta Radin
Napa ujar kuitan
Kita harus
manuruti sidin
Manukar tipakan
wan janar
Mantuk diambil
dalam luang
Ada binatang
nang kantutnya bau banar
Urang manyambat
saad atawa gubang
Ada tahabar
kakanakan sasat
Imbah dibawa
umanya manukar bawang
Ngaran kampung
di Talaga Langsat
Ada Gumbil wan
Longawang
Baras ditutuk
jadi galapung
Buang sadikit
ada antahnya
Di Padang Batung
banyak kampung
Batu Laki wan
Batu Bini diantaranya
Satiap nagara
baisi undang-undang
Banua di dunia
ada Asia
Aku katuju buku
Salayang Pandang
Manganai
parupinsi nang ada di Indonesia
Banyak kawan
bajalanan ka Bali
Talihat urang
asing rambut babakrul
Lawas sapida
mutur kada mangganti uli
Amun baduit
kubawa manyirpis anu Arul
Amun handak
pintar rajin balajar
Mambaca buku
jangan ditunda
Rami malihat
tiatir Banjar
Nang biasa
disambat urang mamanda
Jangan
dibiasaakan mambuang ratik ka sungai
Kalu papaci
takana jajak
Supaya pahumaan
lakas lingai
Satiap hari
bawaakan cangkul wan tajak
Handak lakas
jangan baganaan
Tanami kabun
lawan kacang kudai
Istirahat
mambilupah di pahumaan
Disurungi nasi
pundut lawan wadai
Manukar baju
sasuai haraga
Bila ditapas
mamakai sikat
Amun sudah
bakaluarga
Harus akur wan
rakat mupakat
Amun maunjun
mambawa kawat
Andak umpan di
piring malawin
Ka Lalapin tulak
sawat
Maatar kaluarga
nang handak kawin
Tidak ada komentar:
Posting Komentar