Manangguk iwak
dapat sapat
Kaluar pahumaan
tahayut banta
Aku sudah rindu
makan katupat
Mudahan kaina
lakas manjadi nyata
Nukar mutur
basamaan
Batis tajalipuk
bawa baurut
Hidung pina
salismaan
Asa supan
dirut-dirut
Di Barabai ada
kampung Bawan
Muara Banta ada
di Kandangan
Caka sudah baisi
kawan
Nyaman hidup
kada saurangan
Maatar baras
tulak ka hilir
Parak tagugur
takana muha
Jangan
dibiasakaan hidup kulir
Ada mandarita
sampai ka tuha
Maambil kayu ka
Marabahan
Imbah tuntung
dibawa ka Jawa
Banyak gawian di
sakulahan
Maisi data
hanyar gasan siswa
Sudah tuha gigi
rumpung
Awak sakit marga
tarabah
Di Kacamatan
Angkinang banyak kampung
Kaya Taniran
Salatan wan Tanirah Kubah
Imbah manangis
pina sandu
Pangantin hanyar
bawa batatai
Banyak air
tarjun di Luksadu
Diantarantya
Riam Hanai wan Haratai
Salawar lipis
sudah kubas
Mamakai sapida
sambil dikujak
Pahumaan dibuka
hanyar ditabas
Mamakai alat
nang disambat tajak
Nyiur tuha bawa
diparut
Mantuk diambil
lawas jatuan
Wayahini asa
garurukan parut
Mulai baisukan
kada sing makanan
Tidak ada komentar:
Posting Komentar