Salawas ada paruyik panulisan saputar Kabupatin
Balangan, Dugal tarancaki ka Bumi Sanggam nitu dalam samingu, ada dua talu kali
kalu inya ka sana. Amun hari Ahad sudah nyata inya kasana, amun hari biasa, kamarian
inya tulak. Jaraknya matan rumahnya di Hangkinang, sakitar 60 pal.
Biasanya inya basapida mutur saurangan atawa
bakawan. Karna rancak ka sana Dugal hapal ngaran-ngaran kacamatan nang ada di
Balangan. Ada Batu Mandi, Lampihong, Awayan, Tebing Tinggi, Paringin, Paringin
Selatan, Juai wan Halong.
Dugal mulai akrab lawan urang Balangan. Jua
kada sawat kalaparan amun sasat di sana. Kawannya banyak ada dimana-mana. Salain
itu rancak sudah Dugal marasani makanan / kulinir has Balangan babahan baku has
dairah disana, kaya mandai Batu Mandi, waluh Juai, gula habang Lampihong, dsb.
Rancak jua Dugal mandatangi tampat wisata baik
alam, sajarah, kaagamaan wan aruh adat. Himung Dugal kawa manjalajahi alam
Balangan, nang jadi kabupatin kadua nang mamikat hatinya imbah Kabupatin Hulu
Sungai Selatan. (ahu)
Tidak ada komentar:
Posting Komentar