Papah Idun himung banar dibawaakan buhan
Dugal imbah jarah di Sampit, sabutul banyu asmara. Banyu dalam butul akua nintu
baisi kambang-kambangan wan kartas nang babau harum.
Papah Idun baduhara ka ruang Dugal
bagana maambil butul banyu asmara nintu. Karna Papah Idun kada umpat ka Sampit.
Inya liwar marana dalam babarapa hari
ini. Baju ulahraga parak jua kada dapat. Tapi imbah dihimungi Dugal lawan banyu
asmara nintu Paman Idun jadi caria.
Inya cagar manggunaakan banyu nintu gasan nang dikarindanginya, Ading
Sasa. Papah Idun baupaya kaya apa banyu nintu bisa manjur, inya liwar
karindangannya lawan Ading Sasa.
Pas banar waktu paraian, inya masuk ka
ruang Dugal. “Amun ada Ading Sasa padahakan kaina anuku,” ujar Papah Idun anu
Dugal.
Waktu itu Ading Sasa masih di kantin
minum wan kakawanan bibinian. Kada lawas handak liwat di ruang Dugal, kada
saapa Papah Idun manyiram banyu ka arah Ading Sasa.
Tapi imbahitu muha Papa Idun kalas kaya
tahi, tanyata siraman banyu asmara kada kana Ading Sasa, tapi kana bus nang ada
di balakang nang handak masuk ka ruang Dugal bagana.
Balaluai Papah Idun maminta maap anu
bus, karna tasalah siram. Handak minta karindangi Ading Sasa malah tasiram bus.
Imbahitu Papah Idun hinip banar, marga sabutul banyu asmara, malah jadi
sangsara. (akhmad husaini)
Tidak ada komentar:
Posting Komentar